Técnico Xestión Administrativa

Que título se obtén? Técnica/o en Xestión Administrativa.

Que se aprende a facer? Realizar actividades de apoio administrativo no ámbito laboral, contable, comercial, financeiro e fiscal. Atención á clientela ou ás persoas usuarias, en empresas públicas e privadas, aplicando a normativa e os protocolos de calidade, de xeito que se asegure a satisfacción da clientela e actuando segundo as normas de prevención de riscos laborais e de protección ambiental.

En que ámbitos se traballa? En calquera tipo de empresa, independentemente do seu tamaño e do sector de actividade, nomeadamente no de servizos, así como nas administracións públicas, ofrecendo apoio administrativo nas tarefas de administración e xestión das referidas empresas e institucións, e prestándolle atención á clientela e á cidadanía. Que ocupacións se desempeñan? Auxiliar administrativa/o, axudante de oficina; auxiliar administrativa/o de cobramento e pagamentos, administrativa/o comercial, auxiliar administrativa/o de xestión de persoal, auxiliar administrativa/o das administracións públicas, recepcionista, empregada/o de atención á clientela, empregada/o de tesouraría e empregada/o de medios de pagamento.