Coidados Auxiliares de Enfermaría

Que título se obtén? Técnica/o en Coidados Auxiliares de Enfermaría.

Que se aprende a facer? Proporcionar coidados auxiliares ao paciente/cliente e actuar sobre as condicións sanitarias do seu contorno como membro dun equipo de enfermaría nos centros sanitarios de atención especializada e de atención primaria, baixo a dependencia do diplomado de Enfermaría ou, no seu caso, como membro dun equipo de saúde na asistencia sanitaria derivada da práctica do exercicio liberal, baixo a supervisión correspondente.

En que ámbitos se traballa? Organización e xestión da unidade ou consulta, prestación de servizo e educación sanitaria. 

Que ocupacións se desempeñan? Auxiliar de enfermaría/clínica, de balnearios, de atención primaria e coidados de enfermaría a domicilio; Auxiliar bucodental, xeriátrico, pediátrico, de esterilización, de unidades especiais e de saúde mental.