O galardón, dotado con 2.000 euros para a adquisición de material didáctico ou tecnolóxico, recoñece o esforzo innovador e o compromiso social do equipo promotor, composto por Carlos Romero, Judith Godfrey e Laura Fernández, estudantes de 2º curso do Ciclo Medio de Actividades Comerciais, baixo a coordinación da docente Paola Bar.

 “Opportunity” é unha plataforma marketplace que ten como obxectivo facilitar a inserción laboral da poboación migrante no sector pesqueiro, contribuíndo ao relevo xeracional e á sustentabilidade do propio sector. O proxecto busca conectar directamente oferta e demanda de emprego mediante procesos de contratación xustos, colaborando con armadores e organizacións non gobernamentais que traballan pola mellora das condicións de vida de persoas refuxiadas e migrantes.

Este recoñecemento pon en valor a educación cooperativa como motor de transformación social e impulso do emprendemento con impacto positivo.