PLAN DIXITAL CURSO 2023/2024

Como xa vimos facendo dende o curso 2021/2022, actualizamos un curso máis a información en referencia á actualización dixital do centro, no marco da aprobada Resolución  do 3 de  setembro de 2021, da Secretaría  xeral de Educación e Formación Profesional, co desenvolvemento, aprobación, posta e marcha e seguemento dun Plan Dixital que marca as liñas que o Colexio Mendiño pretende acadar os próximos cursos para estar á cabeza da dixitalización, sempre tendo en conta as circunstacias e peculiaridades do noso alumnado, profesorado, familias e do centro en cuestión.

Queremos facer público dito plan, e por iso que vos deixamos a ligazón para que poidades facer unha lectura profunda e poidades comentar, dende o espazo que ocupedes dentro da comunidade educativa, os pontos aquí expostos.

Consulta o noso Plan Dixital aquí.

La entrada plan dixital 2023/2024 se publicó primero en Colexio Mendiño.

ACTUALIZAMOS A OFERTA DE EMPREGO PARA DOMUS

Xa publicamos unha oferta de emprego para axuda a domicilio, pero actualizamos a información que nos chegou: Oferta de emprego de Auxiliar para axuda a domicilio para Domus, residencias de maiores. A tarefa principal é axudar no benestar das persoas usuarias.

A necesidade actual é a de cubrir o seguinte:

• Posto a cubrir: Auxiliar de axuda a domicilio.
• Contrato por seis meses as fines de semana, con ampliación posterior ata chegar ao indefinido.
• Inicialmente o posto comeza con 20h, con posibilidade de dar servizo durante a semana para aumentar a xornada, sempre que haxa disponibilidade.
• Os requisitos para acceder ao posto son ter a formación necesaria de TCAE e ter un vehículo para poder traballar con el.

Se cres que podes ser ti, ou coñeces alguén interesado nesta oferta, envíalle a oferta de emprego e que faga chegar o seu currículum co asunto ‘Proceso de selección axuda a domicilio’ á dirección de correo electrónico coordinacion2.sadvigo@domusvi.es ou ao teléfono 696 763 366.

La entrada oferta emprego domus se publicó primero en Colexio Mendiño.

CELEBREMOS AS LETRAS GALEGAS

Como cada ano por estas datas, celebramos as Letras Galegas, o día do libro galego, en galego e para Galicia e todas aquelas persoas que lles gusta ler, aprender e que aínda lles gusta celebrar un día coma este.

Dende o departamento de Normalización e Dinamización Lingüistica e coa mentorización e dirección do profesorado de Formación Profesional Básica, o alumnado fixo este incríble traballo que nos fai mostrarnos fachendosos das ideas e capacidade creativa que temos no colexio.

Disfrutádeo tanto coma nós!

La entrada letras galegas 2023 se publicó primero en Colexio Mendiño.

HAI QUE CELEBRAR

Este ano, 2023, cúmprense 40 anos do nacemento do Colexio Mendiño a través da fundación dunha cooperativa. Este fito, chegar á madurez para un centro de ensino concertado, con vontade de ensino de calidade, e en galego, paga a pena ser celebrado, e por iso queremos celebralo con todas e todos.

Gustaríanos saber canta xente vai vir, e necesitamos a vosa colaboración para distribuir o formulario pola xente que viu ao colexio coa que aínda tedes contacto, e poder facer unha previsión.

A convocatoria final lanzarémola máis adiante, pero a celebración será o vindeiro sábado 20 de maio, en horario de tarde/noite, nalgún lugar do casco vello.

Aquí tedes o formulario para encher.

Grazas e vémonos nun mes!

La entrada Hai que celebrar se publicó primero en Colexio Mendiño.

Lendo Letras Galegas

Aquí está o vídeo que o alumnado de Formación Profesional Básica preparou este ano para o día das Letras Galegas, lendo na nosa lingua para celebrar este día.

La entrada LETRAS GALEGAS FPB se publicó primero en Colexio Mendiño.

DÍA DAS LETRAS GALEGAS 2022

Hoxe, como centro de ensino galego, queremos conmemorar o Día das Letras Galegas, convidarvos á celebración lendo un texto na nosa lingua que é símbolo da nosa cultura e que hoxe mais que onte necesita de nós para manterse viva.

Dende o Colexio Mendiño, na liña de creación, creatividade e desenvolvemento de ferramentas dixitais, convidamos ao noso alumnado a facer unha interpretación do cartaz das Letras Galegas, e aquí tedes os tres que gañaron e que nos fan sentirnos fachendosas e fachendosos de poder seguir celebrando este día.

Viva o Día das Letras Galegas! E ogallá puidéramos disfrutalo co alumnado lendo e ensinando nesta, a nosa lingua.

La entrada LETRAS GALEGAS 2022 se publicó primero en Colexio Mendiño.