Colexio Mendiño > Blog
Categorías
Novas Sin categoría

Hai que celebrar

MENDIÑO BLOG

HAI QUE CELEBRAR

Este ano, 2023, cúmprense 40 anos do nacemento do Colexio Mendiño a través da fundación dunha cooperativa. Este fito, chegar á madurez para un centro de ensino concertado, con vontade de ensino de calidade, e en galego, paga a pena ser celebrado, e por iso queremos celebralo con todas e todos.

Gustaríanos saber canta xente vai vir, e necesitamos a vosa colaboración para distribuir o formulario pola xente que viu ao colexio coa que aínda tedes contacto, e poder facer unha previsión.

A convocatoria final lanzarémola máis adiante, pero a celebración será o vindeiro sábado 20 de maio, en horario de tarde/noite, nalgún lugar do casco vello.

Aquí tedes o formulario para encher.

Grazas e vémonos nun mes!

Categorías
Emprego Sin categoría

Oferta emprego Serge

MENDIÑO BLOG

OFERTA DE EMPREGO TCAE

Bos días querido alumnado de Técnico en Auxiliar de Enfermaría. Queríamos comentarvos que dende a residencia Serge, en Bembrive, nos din que teñen unha oferta de emprego para vos, por si alguén está interesado.

Tedes que enviar o cv ao correo rrhh_bembrive@serge.es. 

Categorías
Sin categoría

Un curso cheo de vida

MENDIÑO BLOG

UN CURSO CHEO DE VIDA

Este curso 2022-2023 agardámolo con moitas gañas. Algunhas cousas mudaron en nós, outras no colexio, pero o que non vai pasar desapercibido vai ser o feito de non ter que levar máscara, e da pandemia, que en todas e todos nós vai notarse; imos vernos as caras, os sorrisos, as intencións, imos recuperar unha parte de nós, pero tamén unha parte dos outros, das outras, da xente de en fronte, das exposicións, dos debates, das risas na clase e tamén das tristezas que aquí compartimos.

Desexamos que a pandemia mudara algo en nós para saber aproveitar o tempo, para non perder as gañas, para querer rematar, saír, ler, desfrutar, facer amigos, miralos á cara, estudar e aprender xuntas e xuntos, quedar e facer todo o que significa vivir.

Dámosvos a benvida a un curso cheo disto, de vida.

Categorías
Sin categoría

Volta as aulas

MENDIÑO BLOG

Esperámosvos!!

Ao noso alumnado que comeza o curso 2022/2023 este mes de setembro, queremos lembrarlle puntualidade o xoves, 8 de setembro.

A presentación de todalas aulas vai ser as 11:00 da mañá.

Categorías
Novas Sin categoría

Confirmación solicitudes 22/23

MENDIÑO BLOG

CONFIRMACIÓN DE SOLICITUDES 22/23

Estás esperando saber se podes facer a túa matrícula para o curso 2022/2023? Lembra que primeiro deberás confirmar que fixeches ben a solicitude.

Para isto é necesario entrar aquí e solicitar o código único para poder entrar na páxina da Xunta, que é esta de aquí, e deste xeito saber si a túa solicitude está ben feita e pasarás a ter asignado un centro onde estudar o curso que ven, ou a solicitude está pendente, o que significa que terás que reclamar.

Tes ata o día 12 de xullo para miralo e non ter sorpresas despois. Non o deixes pasar!

Categorías
Sin categoría

Horario Xullo

MENDIÑO BLOG

HORARIO XULLO

Categorías
Sin categoría

Despedida 2021-2022

MENDIÑO BLOG

DESPEDIMOS ESTE CURSO 2021/2022

Andrea, Antonio, Nico, Xoán…imos botar de menos a todas e todos os nosos alumnos, aqueles que hoxe marchan e que xa só volverán de visita ou a pedir o título nuns anos. Esas mesmas que, cando chegaron, levaban máscara e amosaban ser tímidas, viñan de estar na casa, de saber o que é unha pandemia e as cousas que poderían chegar a pasar de novo, algúns aínda enfermaron, outros perderon xente cercana e outros miraron a vida pasar sen ter nocións dos mellores anos que ían pasar rápidos delante deles.

Entrar, saír, protestar, madurar, asentir e finalmente, rematar. Sen saber moi ben como ocorreu, marchan, e con eles vai tamén unha parte de nós. Ata setembro que empezaremos outra vez esta roda da vida.

Feliz verán.

Desexámosvos feliz verán 2022!
Categorías
Sin categoría

Visita a Xaruma

MENDIÑO BLOG

OBRADOIRO EN XARUMA

Como cada ano antes da pandemia, o noso alumnado de TCAE foi á Asociación Xaruma a facer un obradoiro de Primeiros Auxilios e poñer en práctica os coñecementos adquiridos ao longo do curso xusto antes dos exames finais.

Coma sempre, agradecer a Xaruma a súa disposición para con noso alumnado. Foi un éxito e repetiremos seguro!

Aquí vos deixamos unhas fotografías e tamén o enlace a súa páxina web.

Categorías
Sin categoría

Bicos de Papel

MENDIÑO BLOG

NON QUERO QUERER BICOS DE PAPEL

Sabes o que fan dende Bicos de Papel? Quizá teríamos que botar un ollo os seus proxectos para entender a dimensión da súa labor e tamén o título desta entrada, porque grazas á visita de Natalia Dieste, a directora da Asociación, o noso alumnado de TCAE tivo a fantástica oportunidade de coñecer a labor que desempeñan, os proxectos que realizan e o traballo que xa fixeron.

Natalia contounos tamén a importancia da axuda de todas e todos en doación de médula, concienciando o noso alumnado e normalizando a visibilidade deste tipo de axuda que xa é, para Vigo, completamente imprescindible

Aínda que sabemos o bo e gran traballo que fan, gustaríanos decir que non queremos estes bicos de papel, pero si queremos moitos bicos deles.

Grazas por vir. Grazas por tanto.

Categorías
Sin categoría

Creatividade Publicitaria

MENDIÑO BLOG

CONCURSOS E CONSELLOS DE CREATIVIDADE PUBLICITARIA

Este mes tivemos a sorte de recibir unha charla para 1º de Actividades Comerciais dentro da materia de Marketing na Actividade Comercial, da mán dunha das grandes mentes creativas da nosa comunidade, Daniel Rodríguez, Executive Creative Director da compañía DDB International.

Daniel contounos a súa traxectoria ata chegar onde está, tamén como foi o camiño que recorreu, como foron os comezos e que diferenzas atopa co alumnado que chega para facer periodos de becas agora fronte ao que viviu el.

Doutra banda deu alguns consellos ao noso alumnado se teñen pensado adicarse ao mundo da creatividade, coma a necesidade de contar a través das emocións, de atopar unha forma de chegar ao público dándolle un punto de pensamento lateral, e ter ideas distintas, válidas e útis.

Ogalla poidamos repetir nos próximos cursos!

(Deixamos aquí unha mostra de campañas dirixidas por Daniel.)